تخليل الزيتون الاخضر
زيتون مخلل
المكونات وطريقة التخليل
كيلو وممكن تتضعفى الكميه براحتك زيتون اخضر وتغسليه كويس وتنقعيه فى مايه وتغيرى المايه دى لمده 3 ايام دى من اهم الحاجات انك تغيرى المايه دى كل يوم مرتين فى ال 3 ايام عشان الزيتون مش يمرر معاكى
بعد ال 3 ايام هتعمالى ازاى
هتجيبى نص كيلو ليمون هتقسميهم على جزاين هتضربى نصهم فى الخلاط مع 4كوب مايه لحد مايبقى عصير والنص الباقى من الليمون هتقطعيه حلقات بقشره هاتجيبى كمان كيس ملح كبير خشن وهنحتاج كوب كبير خل وفصين ثوم ولو عندك فلفل حامى احمر او اخضر هنحتاج حوالى 4 وحدات حسب الرغبه ونص كوب زيت زيتون لو مش عندك هاتى زيت زره
هاتى بقى برطمان التخليل وحطى الزيتون طبقه والملح طبقه والليمون القطع طبقه هزى البرطمان كويس عشان الزيتون متسبيش هوا جوه البرطمان وبعدين ضيفى المايه المضروبه فى الخلاط مع الليمون وفى الاخر حطى نص كوب من زيت الزيتون عشان الزيتون يبقى لونه جميل وميسودش منك واقفلى البرطمان وبعد شهر هتاكلى اجمل زيتون اخضر مخلل
وبالهنا والشفا
0 Response to "تخليل الزيتون الاخضر"
Post a Comment